TikTok ылайыксыз видеолорду белгилөө үчүн жаңы мүмкүнчүлүктү сунуштайт. Бул тууралуу социалдык тармактын өкүлү Джина Эрнандес билдирди.
Шектүү видеону көргөндө колдонуучу эскертүү жазылган баннерди көрөт. Ошондой эле, видеонун автору анын видеосу шектүү деп белгиленген деп эскертилет.
TikTok буга чейин бир нече факт текшерүү кызматтары - PolitiFact, Lead Stories жана SciVerify менен өнөктөштүк мамиледе иштеп жатат. Социалдык тармактарда жарыяланган материалдарды адатта атайын кызматтар текшеришет - эгер жасалма фактылар табылса, анда ал платформадан алынып салынат. Ошондой эле, материалдын ишенимдүүлүгүн текшерүү кыйын болгон учурларда, видео мындан ары бирөөнүн жеке лентасында сунушталбайт. Ошентип, ал мүмкүн болгон адаштыруучу маалыматтын жайылышын чектейт.
“Бирок кээде фактыларды текшерүү жыйынтыксыз болот же анын мазмунун тастыктоо мүмкүн эмес. Мындай учурларда, видео жеке сунуштама түрмөгүнө кирүү үчүн ылайыксыз болушу мүмкүн, анткени адаштыруучу маалыматтарды таратууну чектөө керек”, - дейт Джина Эрнандес.
Платформанын өкүлдөрүнүн айтымында, материалды кошумча текшерүү колдонуучуларга аны жарыялоодон мурун кылдаттык менен тандоого мажбур кылат. Демек, компаниянын маалыматы боюнча, бул чара туура шектүү видеолордун жайылышын 24% жайлатып, лайктардын санын 7% кыскарткан.