Кымбаттуу досум!
Ачык асман жана сонун маанай каалайм!
Кел эми, өткөн аптада Борбор Азия өлкөлөрүндө кандай окуялар болуп өткөнүнө көз чаптырып көрөлү.
Казакстандын билим берүү жана илим министрлиги вакцина алган студенттер менен мугалимдерге жеңилдик берген акцияларды өткөрүп жаткан ЖОЖдордун тизмесин жарыялады. Кененирээк:
Өзбекстанда жогорку окуу жайында билим алуу үчүн массалык түрдө насыя бере турган система ишке киргизилет. “Биз ЖОЖдордо контрактык негизде билим алууга мүмкүнчүлүгү жок таланттуу жаштарды колдоо боюнча жаңы система түзөбүз. Белгилүү болгондой, азыркы күндө баласын окутуу үчүн ата-энелер 3 жылга 22-28 пайыз менен билим берүү насыяларын алышат. Бул баары үчүн эле кыйын, айрыкча алыскы райондордо жашагандар үчүн абдан оор”, - деди Шавкат Мирзиёев Өзбекстандын жаштар жана студенттер Форумунда сүйлөгөн сөзүндө. Кененирээк:
Кыргызстандын билим берүү министри порталда кабыл алуу тартиптери жөнүндө видеороликтер жайгаштырылганын белгиледи. Андан тышкары, КМТУнун базасында онлайн-окууга тапшыруу боюнча консультациялык, техникалык колдоо көрсөтүү боюнча кыска номери иштейт. Кененирээк:
https://24.kg/obschestvo/199787_onlayn-postuplenie_vvuzyi_ikolledji_nomer_goryachey_linii/
Кыргызстандыктар орусиянын “Сириус” борборуна дистанттык акысыз курстарга чакырылды. Бул туурасында Бишкектеги Россия үйү билдирди. Алардын маалыматы боюнча, 7-11-класстын окуучулары үчүн математика, информатика, физика, химия, лингвистика боюнча Россиянын алдыңкы ЖОЖдору менен мектептеринин мугалимдери тарабынан иштелип чыккан билим берүү программалары сунушталат. Кененирээк:
Өзбекстанда 10-11-класстын окуучулары үчүн рынокто суроо-талапка ээ болгон кесиптерге жана өнөрчүлүккө үйрөтүү боюнча система киргизилет. Мектеп бүтүрүүчүлөрү окуусун аяктаганда кандайдыр бир кесипке ээ болуп чыгышат. Кененирээк:
Түркмөнстанда соцтармактардагы балдардын жоголуп жатканы туурасындагы билдирүүлөрдөн улам, ошондой эле коомчулукка маалым болгон балдарга карата зордук-зомбулук окуяларына байланыштуу ата-энелердин арасында дүрбөлөң күчөдү. Борбор калаада айрым ата-энелер балдарын мектепке баратканда жана сейилдөө учурларында дайыма көзөмөлгө алууга аракет кылышууда, айрымдар балдарын облустардагы туугандарыныкына жөнөтүп жатышат. Бирок, бийлик тарабынан жана ММК өкүлдөрү тарабынан эч кандай маалыматтын, комментарийлердин жоктугу калк арасында ар кандай ушак-айыңарды жаратууда. Кененирээк: https://rus.azathabar.com/a/31335468.html
Январь айында Тажикстандын салык органдары “Памир юристтеринин ассоциациясы” коомдук уюмуна айып пул салышкан, аларды эл аралык структуралардан алган гранттарына киреше салыгын төлөөгө милдеттендиришкен. Уюм салыктык текшерүүнүн жыйынтыгына каршы сотко доо арыз берген. “Памир юристтеринин ассоциациясы” коомдук уюмунун эл аралык уюмдардан алынган гранттары боюнча финансылык отчетторуна катыштуу салык органдарынын дооматтарына байланыштуу доо арыз сотко март айында берилген. Кененирээк: https://asiaplustj.info/ru/news/tajikistan/society/20210705/npo-pod-pritselom-nalogovih-organov-ili-kak-granti-okazalis-ne-grantami
Өзбекстандын телекоммуникация жана информатизация жаатын көзөмөлдөө боюнча Мамлекеттик инспекциясы жеке маалыматтар жөнүндөгү мыйзамдын бузулушуна байланыштуу республиканын аймагында айрым соцтармактардын иштешине чектөө коюу чечимин кабыл алды. Кененирээк: https://asiaplustj.info/ru/news/tajikistan/20210702/uzbekistan-ogranichil-rabotu-vkontakte-twitter-i-tiktok
Тажикстанда өспүрүмдөр тарабынан күнүнө эки кылмыш жасалат. Бул өлкөдөгү соңку 7 жыл ичиндеги кылмыштуулуктун анализинде көрсөтүлгөн. Кененирээк: https://asiaplustj.info/ru/news/tajikistan/society/20210702/dva-prestupleniya-v-den-sovershayut-nesovershennoletnie-v-tadzhikistane
Ипотекалык программанын алкагында Өзбекстанда жаш үй-бүлөлөргө турак-жай сатып алууга кошумча эки миң квота бөлүнөт. Бул максатар үчүн бюджеттен 60 миллиард сум бөлүнөт. Кененирээк:
Ушул аптада Казакстанда домбранын улуттук күнү белгиленди. Бул майрам 2018-жылы 13-июнда Казакстан Республикасынын Биринчи Президенти Н. Назарбаевдин буйругу менен белгиленген. Кененирээк: https://informburo.kz/novosti/nacionalnyj-den-dombry-otmechayut-v-kazahstane
Биз менен болгонуң үчүн сага рахмат!
Көрүшкөнчө!
P.S. Командага колдоо көрсөт! Лайк басып Qlever ойно!