"Кыргызстан - бул өтө начар шаарда жашаган ачык жана боорукер адамдар"
Урбанист Варламов Бишкекке болгон иш сапары жөнүндө.
Белгилүү россиялык видеоблогер, журналист жана урбанист Илья Варламов 2-сентябрда Бишкекке келип, шаар боюнча алган таасирлери менен социалдык тармактарда бөлүштү.
Варламовдун айтымында, Бишкекте көптөгөн көйгөйлөр жана кемчиликтер бар. Блоггер Instagram баракчасында бир катар сторис жарыялаган, анда ал көңүлүн жолдорго жана жол кыймылына буруп, айдоочуларды “кочкорлор” деп атаган. Бул окуя социалдык тармактардын кыргыз сегментинин колдонуучуларынын арасында чоң резонанс жараткан.
«Ал алаксып кетээри менен, ушул төө бурчтар кесилишти жаап салышты. Болду, эч ким эч жакка барбайт. Бул кочкорлорго укук кайда берилди?!"
Варламов Бишкек шаарынын тротуарларына өзгөчө көңүл буруп, аларды "тирүү калуу оюну" деп атады.
«Сынган тротуарлар, түшүнүксүз тепкичтер, бир жерде суу каптап жатат. (…) Адамдар компьютердик тирүү калуу оюнда болгондой жүрүшөт.Тоскоолдуктар. Алар көлчүктөрдөн секирип, чуңкурларды аралап өтүшөт "
Варламовдун айтымында чечим кабыл алган чиновниктер шаардын инфраструктурасын колдонуп баштамайын, эч кандай өзгөрүүлөр болбойт.
Илья Варламов - журналист, коомдук ишмер, “Городские проекты” фондунун негиздөөчүсү жана популярдуу YouTub-блоггер. Ал дүйнө жүзүн кыдырып, шаарлардын инфраструктурасын байкап, ыңгайсыз жана сапатсыз коомдук жайларды сынга алып, шаарды жакшыртуу көйгөйлөрүн иликтегени менен белгилүү.
Сапарынын аягында блогер жана урбанист"Ала-Тоо" аянтындагы сүрөттөрдү жүктөп “Кыргызстан - бул өтө начар шаарда жашаган укмуштай ачык жана боорукер адамдар", - деп жазып калтырган.
Блоггердин Бишкек жана анын жашоочулары жөнүндө алган таасири жана Кыргызстанг келген сапарынын максаты жөнүндө кененирээк анын news.kg Интернет-паблигине берген маегинде таба аласыз