Twitter билдирүүлөрдөгү дезинформация жөнүндө колдонуучуларга эскертүү берет

Twitter коронавирус жана АКШдагы шайлоо жөнүндө талаштуу твиттерге жана  манипулятивдүү медиа басылмаларга каршы күрөшүү үчүн өзүнүн функционалдык мүмкүнчүлүгүн кеңейтти. Бул тууралуу компания Твиттерде жарыялады.

Мындан ары колдонуучулар белгиленген твитке дароо “Лайк” коё алышпайт. Алгач, алар жактыргысы келген твитти адаштыруучу маалымат катары белгилегени жөнүндө эскертүү алышат.

Бул функция Кыргызстанда дагы иштейт - эгерде сизде "талаштуу" белгиси бар твит жакса, анда социалдык тармак алгач посттун темасы жөнүндө көбүрөөк билүүгө чакырып, андан кийин гана "Лайк" белгисин койгонго уруксат берет.

Twitter желекчеленген твит эмне үчүн COVID-19га же медиа манипуляциясына байланыштуу адаштырып жатканын түшүндүрүүнүн маанилүүлүгүн белгиледи.

Ошондой эле компания мындай твиттерди белгилөө алардын цитатасын 29% га кыскарткандыгын билдирди.