Убакытты кантип пландаштыруу керек? Баарын өз убагында бүтүрүп, стресске кабылбоонун жолдору

Сиз кооз, алыскы өлкөгө саякатка чыгууну пландап жатканыңызды элестетиңиз. Ал жерде билеттер белгилүү бир убакта жана учуп кетерине бир жума калганда гана сатылат. Сиз буга чейин тур тандап, чемоданыңызды чогултуп алгансыз, бирок билет сатып алууну акыркы мүнөткө калтырып койгонсуз. Сайтка кирип, сатып алуу мөөнөтү кечээ аяктаганын түшүндүңүз. Сапарга чыкпай калдыңыз, кыялдар болсо  орундалбай калды. Мунун бары  дедлайндын  - маселени чечүү үчүн акыркы мөөнөттүн айынан.

Кызыгы, "дедлайн" термини  XIX кылымда АКШдагы  жарандык согуш учурунда пайда болгон. Ал, адегенде концлагерлердеги сызыкты билдирип, аны өтүү дароо жазага алып келерин түшүндүргөн. XX кылымдын башында бул термин басма индустриясына өтүп, анда басмага материалдарды берүүнүн акыркы мөөнөтүн белгилей баштаган.

Эмне үчүн дедлайндар маанилүү жана аларды сактоо эмне үчүн зарыл?

Дедлайндар жашообуздун ар кандай тармактарында негизги ролду ойнойт. Кесиптик чөйрөдө алар иш процесстерин түзүүгө жана ресурстарды натыйжалуу пландаштырууга жардам берет. Компаниялар аларды өз максаттарына жетүү жана өндүрүмдүүлүгү жогору команда ишин түзүү үчүн колдонушат.

Академиялык чөйрөдө дедлайндар маанилүү окуутуу куралы болуп саналат. Алар студенттердин дисциплинасын жана жоопкерчилигин өнүктүрүшөт, аларды мөөнөттөрүн аткаруу маанилүү көндүмдөргө ээ болгон реалдуу жашоого даярдашат.

Жеке долбоорлор тууралуу айтсак, дедлайндар абстракттуу кыялдарды конкреттүү, убакыт менен чектелген максаттарга айландырууга жардам берет. Туура белгиленген мөөнөттөр бүтпөгөн милдеттерден улам келип чыккан  стрессти азайтууга жана жашоонун ар кандай аспектилеринин ортосундагы балансты табууга жардам берип, өндүрүмдүүлүктү жогорулатуунун куралы катары кызмат кылат.

Дедлайндардын психологиялык таасири: оң жана терс жактары

Дедлайндардын адамдарга тийгизген таасири эки ача. Жакшы жагы, алар өндүрүмдүүлүктү бир топ жогорулатып, убакытты жакшыраак башкарууга жардам берет. Так мөөнөттөр болгондо, кошумча мотивация пайда болуп, иш процесси структуралуу жана түшүнүктүү болуп калат.

Бирок,  анын тескери жагы   да бар. Дедлайндар, айрыкча, алар  өтө катаал болгондо, ашыкча чыңалууну жаратышы мүмкүн. Жогорку стресстин шарттарында иштин сапаты көп учурда шашылыштан улам төмөндөйт. Ошондуктан, натыйжалуулук менен жумуштун ыңгайлуу темпинин ортосундагы туура балансты табуу өтө маанилүү.

Эмне үчүн дедлайндар “күйүп” кетет?

Дедлайндарды өткөрүп жиберүүнүн көптөгөн себептери бар. Адамдар көп учурда ишти аягына чыгаруу үчүн талап кылынган убакытты туура эмес баалашат. Алар иштин татаалдыгын эске алышпайт же өз мүмкүнчүлүктөрүн ашкере баалашы мүмкүн. Прокрастинация — ишти  акыркы мүнөткө чейин кийинкиге калтыруу да дедлайндарды  өткөрүп жиберүүнүн жалпы себеби болуп саналат.

Натыйжасыз пландаштыруу алтынга тете убакытты текке кетириши мүмкүн. Иш-аракеттердин так планы жок болгондо, негизги нерсеге көңүл бурбай, өтө маанилүү эмес  иштерге батып калуу оңой. Күтүлбөгөн жагдайлар, айрыкча форс-мажордук жагдайлар үчүн убакыт  каралбаган болсо эң жакшы ойлонулган графикти да үзгүлтүккө учуратышы мүмкүн.

Перфекционизм, бул жакшы сапат экенине  карабастан, көп учурда өткөрүп жиберилген дедлайндардын себеби болуп калат. Бардык нерсени кемчиликсиз жасоого болгон каалоо иш процессин бир кыйла кечеңдетиши мүмкүн. Көп тапшырмалуулук  да көбүнчө терс ролду ойнойт - бир эле учурда бир нече нерсени жасоого аракет кылуу менен биз алардын ар биринин үстүндө иштөөнүн натыйжалуулугун төмөндөтөбүз.

Дедлайндарды кантип натыйжалуу башкаруу керек?

Дедлайндарды ийгиликтүү  башкаруу команда ичиндеги ачык баарлашуудан башталат. Долбоордун бардык катышуучулары дедлайндарды  жана алардын жалпы процесстеги ролун түшүнүүсү маанилүү.  Иштин жүрүшүн дайыма  талкуулоо   мүмкүн болуучу көйгөйлөрдү эрте аныктоого жардам берет.

Заманбап технологиялар долбоорлорду башкаруу жана дедлайнга көз салуу үчүн көптөгөн куралдар менен камсыз кылат. Атайын программалык камсыздоону колдонуу ишти жакшы уюштурууга жана тапшырманын аткарылышын көзөмөлдөөгө жардам берет.

Өкүлдөө - бул дедлайндарды башкаруудагы маанилүү жөндөм. Команда мүчөлөрүнүн арасында тапшырмаларды бөлүштүрүү мүмкүнчүлүгү бар болсо, баарын өзүңүз жасоого аракет кылбаңыз. Бул иш жүгүн азайтуу жана жалпы иш натыйжалуулугун жогорулатууга жардам берет.

Ишке ашырылган долбоорлорду үзгүлтүксүз талдоо өз тажрыйбаңыздын негизинде  окууга мүмкүндүк берет. Ыкмалардын кайсынысы  жакшы иштейт жана кайсынысы оңдоолорду талап кылаарын  белгилеп туруу  маанилүү. Бул дедлайнды башкаруу процессин тынымсыз жакшыртууга жардам берет. 

Дедлайндарды  кантип туура коюу керек?

Дедлайндарды коюу кылдаттыкты талап кылат. Биринчиден, сизге реалдуу дедлайндарды  коюу керек. Ал үчүн колдо болгон ресурстарды жана учурдагы милдеттенмелерди эсепке алып, аткарыла турган иштердин көлөмүн кылдаттык менен баалоо маанилүү. Ашыкча оптимисттик божомолдор өткөрүп жиберилген дедлайндарга  жана ашыкча стресске алып келиши мүмкүн.

Чоң долбоорлорду этаптарга бөлүп алуу керек. Ар бир этап үчүн прогресске көз салууга жана керектүү оңдоолорду өз убагында жасоого жардам бере турган аралык дедлайндарды аныктоо керек. Мындай мамиле ишти башкарууну ыңгайлуу кылат жана процессти жакшыраак көзөмөлдөөгө мүмкүндүк берет.

Мөөнөттөрдү белгилөөдө артыкчылыктарды туура коюу маанилүү. Негизги милдеттерге токтолуп, кайсынысына биринчи кезекте көңүл бурууну талап кылаарын аныктоо зарыл. Мүмкүн болсо, экинчи даражадагы тапшырмаларды өкүлдөө керек (тапшырманы  аткара ала турган башка адамга өткөрүл берүү). Заманбап долбоорлорду башкаруу куралдары бул процессти бир топ жеңилдете алат.

Тапшырмаларды пландаштыруунун популярдуу куралдары

MS Project - күчтүү кесиптик курал, бирок окутууну талап кылат.

Notion – ийкемдүү иш процесси: эскертмелер, тапшырмалар, мөөнөттөр бир жерде. 

Trello - тапшырма карталары менен визуалдык такталар. Жөнөкөй жана түшүнүктүү  интерфейс. Жеке пландоо үчүн сонун.

Google Календарь – жолугушуулар жана мөөнөттөр үчүн базалык курал. Башка Google кызматтары менен оңой синхрондоштурулат. Акысыз жана баарына жеткиликтүү.

Ар дайым күтүлбөгөн жагдайлар үчүн өзүнчө  убакыт кароо зарыл. Бардык жерде кыйынчылыктар пайда болуп же  кошумча убакыт талап кылынышы мүмкүн. Мындан тышкары, эс алуу зарылдыгын эске алуу маанилүү - катуу иштөө сейрек учурда жакшы натыйжаларга алып келет.

Корутунду

Дедлайндар -  стресстин куралы эмес, максаттарга жетүүдөгү жардамчы. Туура мамиле менен алар ишти структуралаштырууга, эффективдүүлүктү жогорулатууга жана кесиптик өсүшкө көмөктөшөт. Эң негизгиси, өндүрүмдүүлүк менен жумуштун ыңгайлуу темпинин ортосундагы тең салмактуулукту таап, аларды туура аныктоону жана аткарууну үйрөнүү. Тажрыйба көбөйгөн сайын, дедлайндарды туура колдонууну түшүнүп, аларды тынчсыздануунун булагынан ийгиликке жетүү үчүн ишенимдүү куралга айлантууга болот.

Айтмакчы, оюндарды иштеп чыгууда, Qlever командасы милдеттерди жана дедлайндарды пландаштыруу жана бөлүштүрүү үчүн платформаларды да колдонот. Биз сиз үчүн оюндарды өз убагында жеткирүүгө аракет кылабыз! Бизде сизге унутулгус тажрыйба тартуулоого даяр кызыктуу оюндардын толук жыйнагы бар. Биз менен ойноп, баалуу белектерге ээ болуңуз!